Vegadeo organiza un obradoiro de autocoidado e benestar emocional para adultos
O Concello de Vegadeo pon en marcha unha nova actividade de promoción da saúde mental dirixida á poboación adulta. Baixo o título 'Autocoidado e benestar emocional', o obradoiro busca ofrecer ferramentas prácticas para mellorar o benestar emocional e afrontar o día a día.
A formación será impartida por Manuel Martínez Mántaras, psicólogo e fundador do Instituto Asturiano de Mindfulness. O curso comezará o xoves 5 de novembro e desenvolverase ao longo de cinco sesións.
As clases terán lugar de 18.00 a 19.30 horas no Local de Asociacións de Vegadeo. As persoas participantes deberán levar unha esterilla para realizar as actividades previstas.
Inscricións e prazas limitadas
A iniciativa conta con prazas limitadas, polo que as persoas interesadas poden solicitar máis información e inscribirse a través do Plan de Promoción da Saúde do Concello de Vegadeo.
Para iso, están dispoñibles os teléfonos 985 634 022 e 697 163 640.