Ribadeo celebrará dous campionatos de cross da modalidade Xogade

Ribadeo volverá converterse en escenario de competicións de campo a través coas probas do programa Cross Xogade 2026-27. O calendario inclúe dúas citas no Campamento Xuvenil da Devesa: o Campionato Comarcal, o sábado 28 de novembro, e o Campionato Provincial, previsto para o 13 de decembro. As dúas xornadas comezarán ás 11:00 horas.
A primeira convocatoria está organizada por A.D.E. A Mariña coa colaboración do Concello de Ribadeo, Deporte Galego, Xacobeo 2027, Gadis, Clun e Club Atletismo Ribadeo.
O concelleiro de Deportes, Francisco José Silvent, valorou positivamente que o municipio siga acollendo este tipo de actividades, que, segundo explicou, achegan atractivo ás fins de semana e favorecen especialmente a actividade da hostalaría.
O edil tamén puxo o foco nas instalacións deportivas de Ribadeo e nos investimentos que se están realizando para mantelas en boas condicións, tanto para facilitar a práctica deportiva local como para recibir competicións. Silvent trasladou o seu agradecemento á organización, á Xunta de Galicia e ás empresas que colaboran no desenvolvemento das probas.