Preparan unha nova edición da carreira popular Val das Fabas de Lourenzá
Os amantes do deporte e do atletismo teñen unha cita en Lourenzá. O concello acolle unha nova edición da carreira popular Val das Fabas, que terá lugar o 28 de setembro a partir das 17.00 horas. A carreira adoita partir dende a praza do Conde Santo pola tarde tanto para a categoría de nenos como para a proba absoluta e fixan límite de participación en ambas.
Os interesados poden inscribirse xa a través da web Tour A Mariña e poden facelo totalmente de balde se o fan antes do día 22. Poden participar as categorías prebenxamín, benxamín, alevín, infantil e absoluta, tanto masculinas como femininas e as distancias van dende os 300 metros ata os 6,31 quilómetros da proba absoluta.
Obsequiarase cunha camiseta técnica conmemorativa a todos os adultos participantes que se inscriban entre os 150 primeiros ou ata fin de existencias e a recollida de dorsais e chips farase no portalón de entrada ó Concello, ó lado da Praza Conde Santo dende as 15 horas