Os Veteranos da SD Burela conquistan a División de Honra e celebran o título na Marosa
O equipo Veteranos SD Burela sumou un novo éxito ao seu palmarés tras proclamarse campión da División de Honra na tempada 2025-2026. A entrega oficial da Copa de Campións celebrouse no campo da Marosa, nun acto no que xogadores, afección e representantes municipais compartiron a celebración deste logro deportivo.
A alcaldesa de Burela, Carmela López, participou no acto de entrega do trofeo e trasladou os parabéns ao conxunto burelés polo traballo desenvolvido ao longo da competición. A rexedora destacou tanto os resultados acadados como o compromiso e a dedicación demostrados polo equipo durante toda a campaña.
Desde o Concello subliñaron ademais a importancia do deporte local como ferramenta de convivencia e participación social, poñendo en valor o papel que desempeñan clubs e equipos na promoción de hábitos saudables e na creación de vínculos entre a veciñanza.
O goberno municipal quixo recoñecer tamén o esforzo e a constancia mantidos polos Veteranos SD Burela ao longo da tempada, resaltando que este campionato supón un novo motivo de orgullo para o municipio e para o fútbol local.
A celebración serviu para pechar unha campaña marcada pola regularidade do equipo e polo bo ambiente vivido arredor do conxunto burelés, que conseguiu levar novamente o nome de Burela ao máis alto da competición.