O UD Xove Lago e o CD As Pontes disputarán o XXXVI Torneo Concello de Xove
O fútbol volverá ser protagonista este domingo, 30 de agosto, no Campo Municipal de Xove coa celebración da XXXVI edición do Torneo Concello de Xove, unha cita xa consolidada no calendario deportivo local.
Nesta ocasión, o trofeo enfrontará ao UD Xove Lago e ao CD As Pontes. O partido comezará ás 19.00 horas e permitirá aos afeccionados desfrutar dunha nova xornada de fútbol no municipio.
O conxunto xovense exercerá como anfitrión ante o equipo pontés nun encontro que servirá para continuar coa tradición dun torneo que alcanza este ano a súa edición número 36.
A cita está organizada pola Concellería de Deportes e o UD Xove Lago, que animan á veciñanza e aos afeccionados ao fútbol a achegarse ao Campo Municipal para apoiar aos equipos e desfrutar do encontro.
O XXXVI Torneo Concello de Xove súmase deste xeito á programación deportiva do municipio durante o tramo final do verán, reunindo sobre o terreo de xogo a dous conxuntos con tradición no fútbol galego.
