Medio ambiente | Sociedade | Cultura

Os dezaseis concellos da comarca vivirán a totalidade do fenómeno o 12 de agosto de 2026, aínda que a duración e o relevo marcarán importantes diferenzas entre uns municipios e outros

A Mariña lucense converterase o próximo 12 de agosto de 2026 nun dos territorios máis privilexiados de Galicia para contemplar a eclipse total de Sol. Segundo a web especializada esclipseando.es os dezaseis concellos da comarca quedarán dentro da franxa de totalidade, pero a experiencia non será exactamente igual en todos eles. A duración da escuridade total variará segundo a localización e, ademais, o relevo do terreo condicionará a visibilidade do fenómeno nalgúns municipios.

Os concellos costeiros serán os que desfruten dos rexistros máis elevados. Ribadeo e Burela alcanzarán os 109 segundos de totalidade, o maior tempo de toda Galicia. Moi preto situaranse Barreiros, con arredor de 108 segundos; Foz, Cervo e Xove, con aproximadamente 107; e Viveiro e O Vicedo, que superarán os 105 segundos.

No interior da comarca, a duración será lixeiramente inferior, aínda que continuará sendo excepcional. Trabada contará con preto de 106 segundos; Lourenzá e Mondoñedo, con arredor de 104; Alfoz, O Valadouro e Ourol situaranse en torno aos 103; mentres que A Pontenova e Riotorto superarán os 100 segundos de totalidade.

Porén, a duración non será o único aspecto a ter en conta. Un estudo realizado a partir do modelo europeo de elevacións, que analizou o perfil do terreo dos 144 concellos galegos na dirección exacta onde estará o Sol durante a eclipse, revela un dato especialmente chamativo: só nove concellos de Galicia teñen montañas que superan a altura do Sol, e tres deles pertencen á Mariña lucense.

É o caso de Ourol, onde o relevo alcanza os 19,1 graos mentres o Sol estará a 11,6 graos sobre o horizonte; Mondoñedo, cun obstáculo de 16,7 graos fronte aos 11,3 graos do Sol; e O Valadouro, onde o terreo sobe ata os 16,6 graos e o astro situarase a 11,5 graos.

A situación máis sorprendente dáse en Burela. A pesar de compartir con Ribadeo a maior duración da eclipse en Galicia, o cálculo indica que o relevo do municipio elévase ata os 16 graos, mentres que o Sol estará a 11,5 graos, polo que desde o punto de referencia empregado no estudo podería quedar oculto pola montaña.

Pola contra, Ribadeo, tamén con 109 segundos de totalidade, contará cun horizonte practicamente despexado. A diferenza entre o relevo e a posición do Sol é de apenas 1,1 graos, suficiente para permitir a observación completa do fenómeno desde ese punto. Outros concellos costeiros tamén presentan condicións favorables, como Viveiro, cunha marxe libre de 8,4 graos, ou Foz, con 8,1 graos, grazas á apertura cara ao mar Cantábrico.

Os responsables do estudo lembran, con todo, que estes cálculos só teñen en conta o relevo natural. Non consideran edificios, árbores nin outros obstáculos próximos, tampouco representan todo o territorio dun concello, senón o seu punto de referencia cartográfico. Ademais, cando a montaña está moi próxima, o efecto real pode ser maior do estimado.

Por iso recomendan unha comprobación moi sinxela para quen queira escoller o mellor lugar de observación: acudir ao punto previsto o 11 de agosto, á mesma hora na que se producirá a eclipse. O Sol atoparase practicamente na mesma posición que ocupará ao día seguinte, permitindo comprobar se o horizonte permanece completamente libre.

Los 67 municipios de Lugo

Ordenados por segundos de totalidad; los parciales, al final, por porcentaje de ocultación. Horas en hora local. El máximo barre la provincia de las
20:27 a las 20:29.

Circunstancias calculadas para las coordenadas de cada municipio con efemérides DE440s (JPL) y contrastadas con el IGN (eclipses.ign.es). Horas en hora local.