A estrada entre Xove e o Portiño de Morás terá cortes de tráfico do 13 ao 16 de outubro
AMariñaXa
As restricións afectarán a varios treitos da LU-P-2601 polo inicio das obras de aglomerado en quente e habilitaranse desvíos sinalizados
12 Oct 2026
Os traballos de mellora do firme da estrada provincial LU-P-2601, que conecta Xove co Portiño de Morás, obrigarán a cortar a circulación en varios treitos da vía entre o martes 13 e o venres 16 de outubro, ambos incluídos.
As restricións afectarán ao tramo comprendido entre o punto quilométrico 2,800 e o final da estrada, coincidindo co inicio das obras de aglomerado en quente impulsadas pola Deputación de Lugo.
Durante a execución dos traballos habilitaranse itinerarios alternativos, que estarán debidamente sinalizados para facilitar os desprazamentos dos usuarios da vía.