Xove acolle as primeiras Xornadas de Tecnificación de Bádminton Escolar A Mariña
O Concello de Xove organiza os días 2 e 3 de xaneiro de 2025 as primeiras Xornadas de Tecnificación de Bádminton Escolar A Mariña. Este evento celebrarase no pavillón do CEIP Pedro Caselles e contará coa participación de adestradores de renome como Rodrigo Sanjurjo (FEGABAD) e Pedro Esmorís (A.C.D. Xove e A.D. San Roque).
As actividades desenvolveranse en dúas xornadas: o xoves 2 de xaneiro, de 16.00 a 19.00 horas, e o venres 3 de xaneiro, de 11.00 a 14.00 horas. A inscrición é totalmente gratuíta, sendo obrigatorio contar co seguro escolar de Xogade.
Esta iniciativa conta co patrocinio do Concello de Xove e a colaboración de entidades como Deporte Galego, FEGABAD, Xogade e varios clubs deportivos da zona.
Para máis información e contacto, as persoas interesadas poden chamar ao número 606 863 119 (Pedro Esmorís). Unha oportunidade de mellorar as habilidades no bádminton da man de grandes profesionais.