Xoel Nonide, do Isla Pancha de Ribadeo, seleccionado para representar a Galicia no Nacional Sub-16 de Hóckey
O deportista Xoel Nonide García, integrante do club Isla Pancha Hóckey de Ribadeo, foi convocado oficialmente para formar parte da Selección Galega Infantil Masculina. O mozo xogador representará a Galicia no Campionato de España de Seleccións Autonómicas Sub-16, que terá lugar na localidade aragonesa de Jaca entre os días 22 e 25 de maio de 2025.
Esta chamada supón un importante recoñecemento ao traballo e evolución de Nonide, así como ao labor que o club ribadense vén realizando na formación de novos talentos do hóckey sobre patíns. A súa inclusión no combinado autonómico destaca tamén o bo momento que vive esta disciplina na Mariña lucense.
Desde o club Isla Pancha amosaron o seu orgullo pola convocatoria e desexan a Xoel unha experiencia chea de aprendizaxe e éxitos deportivos nesta cita de ámbito estatal.