Xa hai rival de cuartos na Copa da Raíña para o Pescados Rubén
![emparexamentos copa raina futsal](https://amarinaxa.com/wp-content/uploads/2021/04/emparexamentos-copa-raina-futsal.jpg)
O Pescados Rubén Burela FS defenderá o seu dobrete de Copa de S.M. da Raíña estreando a final a 8 de Las Rozas con arrecendo irmandiño, co Ourense Envialia como o primeiro obstáculo, o venres 30, en cuartos. Así o decidiu esta mañá o sorteo puro celebrado na Cidade do Fútbol de Las Rozas, nun acto que contou coa presenza da seleccionadora nacional, Clàudia Pons, e a colexiada Sara Gutiérrez.
Ourensás e burelistas, que se miden mañá na xornada 5 da segunda fase de liga (Vista Alegre, 19.00 horas, TVG2), convertéronse nas dúas últimas protagonistas do acto, sendo as últimas bólas en saír. AE Penya Esplugues-Melilla Sport Capital Torreblanca, AD Alcorcón FS-Universidad de Alicante e Bodegas Sommos Intersala Promesas-Futsi Atlético Navalcarnero forman o resto dos emparellamentos.
Os partidos de cuartos de final xogaranse o venres 30 de abril. As semifinais fixaranse o sábado 1 de maio, mentres que o domingo día 2 queda reservado para o partido decisivo.
Os afeccionados poderán seguir todos os partidos da competición por Teledeporte, xa sexan televisados ou a través da páxina web de RTVE.