Un roteiro poético en Ribadeo, da man de Xurxo Souto

Nunha homenaxe a Luisa Villalta, figura das Letras Galegas deste 2024

A agrupación cultural Francisco Lanza de Ribadeo convida a facer tempo para achegarse a tarde do venres 15 de novembro ás 19.00 horas ao punto de partida dun roteiro poético, da man de Xurxo Souto.

O artista coa súa publicación 'Somos un Pobo de Artistas. O método Luisa Villalta' homenaxea a figura das Letras Galegas 2024, Luisa Villalta: "En 1999 publicou [Luísa] O outro lado da música, a poesía, libro referente, onde puxo en valor a mutua atracción que senten entre si a música e a literatura".

Avisan de que pode haber unha sorpresa máis nesta ruta que sairá da rúa San Franscisco ata a Casa do Viejo Pancho, onde rematará o acto. En caso de choiva, realizarase neste lugar todo o evento.