As Troitas Bravas da Pontenova encabezan a clasificación tras o XI Aberto da Tarta
Por Daniel Rodrìguez Saavedra da Asociación O varal.
A quinta xornada da LNB Norleste disputouse o sábado 26 en Mondoñedo, ca disputa do XI Aberto da Tarta e deixou moi as claras que este ano as Troitas Bravas están mais bravas que nunca e nadan cara ó título a fume de carozo.
Campo de xogo en perfectas condicións e setenta e dous palanadores dando o mellor de sí en cada golpexo co palán. Foron 51 homes, 16 donas e 5 cativos.
Grata nova para todos a volta dun histórico, Milio, pois de novo colle o palán logo dun retiro forzoso. Tamen vemos por primeira vez esta tempada a Xerman nas pistas e agardamos que nos acompañe mais a miudo.
No tocante ó xogo na xornada, so Jorge, un dos touros de Remourelle foi quen de colarse no medio das intratables Troitas Bravas que se impuxeron os Carabullo e mais os Billardeiros Musicais con dez puntos por riba deles e consolídanse no primeiro posto da xeral.
En individuais, gañou Regueiro, e logo dun desempate, o seu compañeiros David Navallo foi segundo e Jorge terceiro.
En donas foi a estrela dos Carabullo Irea quen gañou superando as Musicais Billardeiras Aroa e Geni.
En infantis, desta volta Diego gañoulle a Mateu de Madia Leva e Antía de Troitas foi terceira.
Gostaron da tarta os tres primeiros clasificados e mais o equipo vencedor que recibiron de mans do seleccionador Manolo Flores.
A vindeira cita será o domingo 18 de decembro en Ribadeo.
As clasificacións logo desta xornada quedan deste xeito:
Individual:
- Charli (Carabullo) 97 p.
- Daniel (Bill.Musicais) 92 p
- Regueiro (Troitas Bravas) 91p
- David Navallo (Troit.Bravas) e
- Muriego (Rem. Bulls) 90 p
Donas:
- Aroa (Bill.Musicais) 80 p
- Geni (Bill.Musicais) 62 p
- Irea (Carabullo) 51 p
Equipos:
- Troitas Bravas, A Pontenova 386 p
- Carabullo, Pote de Outeito 375 p
- Billardeiros Musicais 368 p
Varados:
- Manu Caldeiro (Billarda Verde) 1 Varado
