Ribadeo, o pobo máis buscado en internet
AMariñaXa
Son datos dun estudo elaborado a partir do volume de buscas en Google, no que propón unha visita aos 50 pobos máis populares do estado
![vista costa ribadeo](https://amarinaxa.com/wp-content/uploads/2021/02/vista-costa-ribadeo.jpg)
5 Feb 2021
Satisfacción en Ribadeo tras coñecerse que é o pobo máis popular da provincia de Lugo. Os datos aparecen recollidos nun estudo de Musement, elaborado a partir do volume de buscas en Google, no que propón unha visita aos 50 pobos máis populares de todo o estado.
Musement sinala que a pandemia do covid19 e as limitacións da mobilidade durante o 2020 influíron de xeito notable no incremento do turismo de proximidade, que seguirá a ser unha tendencia neste ano que se acaba de estrear. Foron moitos os que optaron por redescubrir as súas cidades de residencia habitual e outros moitos os que buscaron pequenos paraísos lonxe das multitudes, pero cerca dos seus fogares. O pobo máis buscado da provincia de Lugo foi Ribadeo.