Conclúen os traballos na área recreativa da Vilapena, en Trabada

Dende o Partido Popular do municipio poñen en valor as inversións da Xunta, entre as que sinalan as obras na estrada que vai ao Val das Eguas

Rematan as obras da área recreativa da Vilapena en Trabada, situada no comezo da ruta de sendeirismo de dita parroquia. O orzamento da actuación ascende a 30.000 euros e únese a outros proxectos como a actuación para cubrir o parque infantil de San Roque.

Por outra banda, comezan as obras na estrada que vai ao Val das Eguas, na parroquia de Vidal e na da Penela, na parroquia de Trabada. “Dende o Partido Popular de Trabada sempre apoiamos as inversións que veñen dende a Xunta e poñémolas en valor”, asegura o voceiro popular no municipio José María Fernández.

Fernández tamén anuncia o inicio das obras no pavillón polideportivo, “unha subvención que vén dende a Xunta, que subvenciona prácticamente a totalidade pois ascende a 60.000 e que loitamos para que viñera para Trabada”.