Ourol prepara a contratación de persoal para reforzar a campaña de prevención de incendios forestais
O Concello de Ourol abrirá nos próximos días o proceso de selección de persoal laboral temporal destinado a reforzar os dispositivos de prevención e loita contra os incendios forestais durante a campaña de 2026. A convocatoria permitirá incorporar profesionais para distintos postos relacionados coa brigada municipal e co servizo de vehículo motobomba.
Entre as vacantes previstas figuran tres prazas de condutor de vehículo motobomba, ás que se suman un posto de xefe de brigada, un peón condutor e dous peóns de brigada. Todos os contratos terán unha duración de tres meses e desenvolveranse a xornada completa.
Con esta iniciativa, o Concello busca fortalecer os medios humanos destinados á protección do monte e á resposta ante posibles emerxencias durante a época de maior risco de incendios. Os traballadores seleccionados integraranse nos equipos encargados das labores de vixilancia, prevención e intervención no caso de producirse lumes forestais.
O período para presentar as solicitudes permanecerá aberto entre os días 11 e 23 de xuño de 2026, ambos incluídos. As persoas interesadas poderán obter máis información nas dependencias municipais a través do servizo de Axencia de Emprego ou chamando ao teléfono 982 559 109.
As bases completas da convocatoria poden consultarse na sede electrónica do Concello de Ourol.