Ourol acollerá a presentación do libro 'Pioneiras da ciencia en Lugo'

AMariñaXa
Ourol acollerá a presentación do libro 'Pioneiras da ciencia en Lugo' que trata entre outras sobre tres ourolesas
OUROLENSAS PIONEIRAS DE CIENCIAS
OUROLENSAS PIONEIRAS DE CIENCIAS
5 Mar 2023

A catedrática de Química Inorgánica da Facultade de Ciencias da Universidade de Santiago de Compostela, Mª Isabel Fernández García, estará en Ourol o vindeiro día 9 de marzo ás 18.00 horas para falar do seu libro 'Pioneiras da ciencia en Lugo' e sobre todo de tres mulleres de Ourol pioneiras en ciencias: Remedios Vázquez García, Segunda Vázquez García e Aurora Chao Quintana.

Neste libro recóllese a vida académica e laboral de 62 mulleres pioneiras no eido da ciencia que foron abrindo camiño para as que viñeron despois. Con este traballo a autora pretende visibilizar a situación da muller na universidade e sobre todo nas ciencias e poñer en valor o seu traballo e a súa contribución para acadar a igualdade da muller.

Este encontro será no Edificio Multiusos de Ourol.

OUROLENSAS PIONEIRAS DE CIENCIAS
0.22297310829163