Deportes

Colaboraron nunha campaña de recollida de libros e proximamente realizarase un segundo envío

Clubs da Mariña, como Iberia C.F, de San Miguel, e Celtas de Foz, colaboraron na campaña solidaria de recollida de libros que chega a Paiporta. Coordinada por BXL Celanova, contou con clubs ourensáns como o CB Allariz e AB Xinzo e trasladan que foi un éxito.

Os exemplares recollidos foron enviados ao Concello de Paiporta, grazas á mediación que fixo o Concello de Celanova con Correos, para tramitar o transporte. En próximas datas realizarase un segundo envío en material co importe do recadado coa venta do Fotopoema solidario.