Deportes

Trátase dunha ruta familiar e os menores de 12 anos deberán ir acompañados dun adulto responsable

Organizan a segunda edición do Día da Bicicleta O Valadouro. A cita será o vindeiro sábado 17 de agosto con saída programada ás 17.00 horas. A recepción de inscritos e de camisetas farase de 16.00 a 17.00 horas. Trátase dunha ruta familiar e os menores de 12 anos deberán ir acompañados dun adulto responsable.

Haberá avituallamento a metade de ruta e o programa tamén inclúe un sorteo de material deportivo ao final da ruta. É preciso realizar a Inscrición previa nas oficinas da Casa da Cultura de 9.00 a 13.30 ata o venres 16 de agosto. Trátase dunha iniciativa da Delegación de Deportes do Concello do Valadouro que conta coa colaboración da Vicepresidencia Deputación de Lugo.