O Valadouro establece novas tarifas para o ximnasio municipal
O Concello do Valadouro informa da entrada en vigor dunha nova taxa para o servizo do ximnasio municipal a partir do 1 de febreiro. A medida está recollida na ordenanza fiscal reguladora da prestación deste servizo, que establece prezos adaptados tanto a usuarios ocasionais como a quen prefiren un uso máis continuado.
Segundo a nova normativa, o prezo por cada entrada individual ao ximnasio será de 2 euros por día. Para aqueles que desexen un acceso regular, o Concello pon á disposición bonos mensuais de 15 euros. Ademais, introdúcese un abono familiar, tamén por 15 euros ao mes, ao que se lle aplicará un desconto do 10% a cada membro da unidade familiar.
Desde o goberno municipal destacan que estas tarifas buscan facer máis accesible o uso das instalacións deportivas, fomentando ao mesmo tempo a práctica regular de actividade física entre a poboación. Os usuarios interesados poden obter máis información e formalizar a súa inscrición directamente no ximnasio municipal.