O seteiro cervense, Santi González, formará parte da selección de tiro con arco en campo para a vindeira tempada internacional
A pasada fin de semana en Isla Cristina, Huelva, tivo lugar nas novas rutas creadas nas instalacións do Club Deportivo de Tiro con Arco La Flecha Isleña, a fase previa do sistema de selección para formar a selección de tiro con arco en campo para a tempada internacional 2023.
A clasificación celebrouse durante dúas xornadas. O sábado, na que se realizou o circuíto de distancias descoñecidas e o domingo, no que se celebrou o circuíto de distancias coñecidas. O vento foi o protagonista nas dúas xornadas, obrigando aos máis de 40 deportistas participantes a esforzarse.
Lémbrase que os cinco primeiros deportistas de cada categoría, segundo as medias rexistradas na fase anterior, ademais do campión de España, serán os que accederán á fase final do sistema de selección, que se celebrará en Madrid o vindeiro mes de xullo...
O representante en arco espido, Santiago González Villares, acadou o terceiro posto cun total de 624 puntos o sábado que faría dúas voltas conseguindo 171 e 152 puntos e o domingo 147 e 154 puntos.
