O PP de Barreiros pide reparar a estrada de Matomaior e Cabo

AMariñaXa
O PP de Barreiros pide a Ermida que dea prioridade á reparación da estrada de Matomaior e Cabo, que é unha corredoira chea de lama.
3 ene 2023

O PP de Barreiros pide a Ermida que dea prioridade á reparación da estrada de Matomaior e Cabo, que é unha corredoira chea de lama.

"As infraestruturas viarias en bo estado é unha das condicións indispensables para fixar poboación na zona rural, porque da dispoñibilidade de accesos cómodos e seguros depende en gran parte a calidade de vida", di o portavoz popular, José Manuel Gómez Puente.

"Os veciños de Matomaior e Cabo, na parroquia de San Xulián de Cabarcos, saben ben cantas molestias produce ten que chegar e saír da casa a diario por unha estrada en moi mal estado, por unha vía que é un verdadeiro lameiro", di Gómez Puente, quen anuncia a presentación dunha iniciativa no próximo Pleno para solicitar a reparación da estrada municipal de Matomaior e Cabo.

Puente sinala que a citada pista, que comunica coa vía entre Cabarcos e Rilleira, precisa unha reparación a fondo, para pavimentala "en condicións que merezan que se lle dea o nome de estrada, porque, a día de hoxe, non pasa de ser unha corredoira en mal estado".

Os populares queren que o goberno municipal programe a reparación da estrada de Matomaior e Cabo con prioridade a outras obras similares, dadas as dificultades que teñen os veciños para transitar por ela. “Hai moitas vías municipais en moi mal estado, pero esta é das que peor está”, sinala o portavoz popular, José Manuel Gómez Puente. Engade: “O goberno municipal ten que planificar a reparación da desta estrada coa maior rapidez posible; iso é o que solicitaremos nunha iniciativa que presentaremos no próximo pleno”.