O Pescados Rubén Burela FS prepara unhas Xornadas de Portas Abertas a partir da vindeira semana
O Pescados Rubén Burela FS xa está traballando na programación 2021-22 para as Xoias Laranxas. E para iso terá Xornadas de Portas Abertas a partir da vindeira semana para as categorías de competición autonómica en alevín, infantil, cadete e xuvenil na composición de equipos tanto masculinos coma femininos.
Esta xornada é para menores de 18 anos e para participar tan so haberá que cubrir a inscrición ONLINE. As prazas serán limitadas a un máximo de 40 nenos cada semana e cada deportista contará cun seguro facilitado polo club.
Haberá tres quendas, a da semana do 26 ao 31 de xullo que será os martes, xoves e venres e para cadete masculino de 18.00 a 19.00 horas; a do 2 ao 8 de agosto que será o luns, mércores e venres en horarios diferentes dependendo da categoría, así, os alevíns masculinos irán de 17.00 a 18.00 horas, os infantís masculinos 18.00 a 19.00 horas e xuvenís masculinos de 19.30 a 21.00 horas.
A semana do 9 ao 15 de agosto será o luns, mércores e venres e estará enfocado á sección feminina, comezando con alevín e infantil de 18.00 a 19.00 horas e cadete e xuvenil de 19.00 a 20.00 horas.
Os prazos de inscrición serán para a quenda de xulo antes do martes 27, para a primeira semana de agosto antes do día 2, e para a última o prazo de inscricion remata o luns 9.