O Motoclub N-634 de Mondoñedo anuncia a súa Papanoelada Moteira

Nunha xornada que xirará en torno aos máis pequenos

Un ano máis, o Motoclub N-634 de Mondoñedo anuncia a súa Papanoelada Moteira. Será o 21 de decembro cando Papa Noel chegue á vila coas motos máis que presentes.

“É unha xornada cos nenos e nenas como protagonistas e si se fai é con este motivo.  Preferiblemente hai que vir vestido de Papa Noel, o 90% xa soe vir e podemos xuntarnos unhas 100 persoas, pero dependerá do tempo”, explica Miguel Arias, presidente do Motoclub.

Indica que o que máis hai son nenos e nenas porque montan inchables, vén Papa Noel para recibilos e darlles unhas lambetadas e pasan un día diferente. Tamén haberá chocolate quente, madalenas de balde ata esgotar existencias e un sorteo para o goce de quen se achegue nesta data de Nadal.