O GDR Terras de Miranda abriu a preinscrición dun novo programa de asesoramento
O Grupo de Desenvolvemento Rural Terras de Miranda abriu o prazo de preinscrición dun novo programa de asesoramento a empresas turísticas e agroalimentarias localizadas no territorio do GDR Terras de Miranda que abarca os seguintes concellos: Alfoz, Barreiros, Burela, Cervo, Foz, Lourenzá, Mondoñedo, Ourol, Ribadeo, Trabada, O Valadouro, O Vicedo, Viveiro e Xove.
Ata 15 empresas dos sectores turísticos e agroalimentario no territorio de Terras de Miranda poderán beneficiarse dun asesoramento gratuito para identificar as áreas de mellora dos seus negocios, con especial foco no ámbito do comercio online
A preinscripción permanecerá aberta do 12 ao 29 de xullo de 2022 na seguinte ligazón. Priorizarase a selección de empresas que traballen no ámbito turístico, hostalaría, e o sector agroalimentario.
Para maior información pódese contactar no número de teléfono 672 288 982 ou no email terrasdemiranda.turismo@gmail.com.
As bases da convocatoria están dispoñibles no seguinte enlace.