O Festival Bal y Gay celebrará a súa novena edición do 12 ao 24 de agosto
O Festival Bal y Gay celebrará a súa novena edición do 12 ao 24 de agosto e espera recibir a 3.500 espectadores nos seus máxicos escenarios lucenses da Mariña para admirar a prestixiosos artistas internacionais como Elisabeth Leonskaja, Orquestra Sinfónica de Galicia con Lucas Macías e Serena Sáenz, Cuarteto Quiroga, Pablo Ferrández, Armida Quartet, Carlos Mena, Real Filharmonía de Galicia, Dúo do Valle ou Andreas Prittwitz.
A nova edición do Festival Bal y Gay, proxecto familiar que se converteu en toda unha referencia española, aposta como sempre pola excelencia. A Mariña converterase en epicentro nacional da música clásica con propostas tan atractivas como Elisabeth Leonskaja, a gran dama do piano (día 21 de agosto, Auditorio Hernán Naval de Ribadeo); Pablo Ferrández, o violonchelista español con maior proxección mundial (día 22, Auditorio Pascual Veiga de Mondoñedo); o Cuarteto Quiroga, toda unha referencia en Europa (día 23, Iglesia de San Martiño de Foz); e a Orquestra Sinfónica de Galicia, considerada unha das mellores de España (día 24, Catedral de Mondoñedo). A aplaudida Real Filharmonía de Galicia (día 12, Teatro Pastor Díaz de Viveiro) inaugurará o festival, que tamén recibirá á recoñecida formación belga Armida Quartet (día 13, Pazo do Conde de Fontao de Foz), ao soado contratenor Carlos Mena (día 14, Iglesia de Santiago de Foz) e ao emerxente Dúo do Valle (día 17, Fábrica de Sargadelos de Cervo). Así mesmo, haberá concertos familiares, conferencias e talleres.
“Seguimos fieis aos obxectivos dos nosos inicios cunha programación de calidade e moi variada. Este ano terá un carácter máis internacional, combinando nomes contrastados con novos talentos. Estamos #ante un gran reto despois da pandemia e faremos todo o posible para encher cada concerto”, asegurou Alba Rodríguez, director do festival. “O valor da cultura e da música é incalculable. Demostrámolo con este proxecto baseado na integración da poboación local e na convivencia a través das artes escénicas”, engadiu sobre esta edición que abarca sete municipios: Foz, Mondoñedo, Viveiro, Ribadeo, Cervo, Lourenzá e Barreiros. Así mesmo, o festival fixo balance sobre o proxecto socioeducativo da Fundación Xesús Bal y Gay, organizadora do festival, cos seus proxectos ‘Sinfónico non rural’ (20 nenos en Barreiros e Pontenova), patrocinado pola Fundación “a Caixa”, e ‘ Operiña nas escolas’ (90 nenos en Viveiro e Voz). “Vimos unha transformación absoluta de moitas familias respecto a a música clásica. Temos que perder os prexuízos e lembrar que a música logra mellorar a comunicación, o rendemento educativo no alumnado e axuda á cohesión social”, concluíu Rodríguez.
A boa xestión do Festival Bal y Gay foi avalada por entidades privadas e públicas, que posibilitaron a solidez e estabilidade do proxecto. Mantense a Fundación Banco Sabadell como principal entidade colaboradora, o apoio esencial da Xunta de Galicia e da Deputación Provincial de Lugo, así como a axuda dos concellos participantes (Foz, Mondoñedo, Viveiro, Ribadeo, Cervo, Lourenzá, Barreiros) e outros patrocinios de empresas clave da zona.
Así mesmo, o Goberno autonómico apoia este ano o certame con 30.000 euros, o dobre que na última edición. “Queremos seguir apoiando así non só a realización dun evento de gran calidade, tamén a chegada de actuacións deste tipo a un entorno como a Mariña lucense, que conta cunha forte identidade con arraigo en valores culturais, patrimoniais e naturais que reflicten a súa gran singularidade”, expresou o conselleiro de Cultura, Educación, FP e Universidades, Román Rodríguez.
PROGRAMACIÓN FESTIVAL BAL Y GAY 2022
- 12 de agosto, Teatro Pastor Díaz de Viveiro REAL FILHARMONÍA DE GALICIA
Interpretará ‘Serenata para cordas’ de Xesús Bal y Gay e a ‘Sinfonía no.7’ de Beethoven. - 13 de agosto, Pazo del Conde de Fontao de Foz ARMIDA QUARTET
Ofrecerá obras de Bach, Nikodijevic e Mozart. - 14 de agosto, Iglesia de Santiago de Foz CARLOS MENA
Presentará xunto a Samuel Maíllo un repertorio con música española e italiana o século XVII. - 15 de agosto, Ribadeo e 16 de agosto, Foz TÍTERES ETCÉTERA
Concierto infantil ‘Almavera’ (sonata para violín e títeres). - 17 de agosto, Fábrica de Sargadelos de Cervo DÚO DEL VALLE
Realizará obras de Mozart, Schubert, Bennet e Ravel. - 18 de agosto, Finca Goleta de Foz
ANDREAS PRITTWITZ LOOKINGBACK QUINTET
Jazz de sonoridad renacentista e moderna. - 19 de agosto, Barreiros y Vilanova de Lourenzá SKIRION
Cuarteto de saxofones con obras de Nyman, Maslanka e Lago. - 21 de agosto, Auditorio Hernán Naval de Ribadeo ELISABETH LEONSKAJA
A gran dama do piano actuará por primeira vez no festival. - 22 de agosto, Auditorio Pascual Veiga de Mondoñedo PABLO FERRÁNDEZ
O xoven violonchelista madrileño tocará dúas suites de Bach. - 23 de agosto, Basílica de San Martiño de Foz CUARTETO QUIROGA
Regresará ao festival con obras Haydn, Canales e Brahms tras actuar o pasado ano. - 24 de agosto, Catedral de Mondoñedo ORQUESTA SINFÓNICA DE GALICIA CON LUCAS MACÍAS Y SERENA SÁENZ
Repite clausura deste ano, agora coa ‘Sinfonía no.102’ de Haydn e la ‘Sinfonía No.4’ de Mahler.
