O Concello de Xove impulsa obradoiros de ioga para coidadoras e persoas con enfermidades crónicas
O Concello de Xove pon en marcha unha nova proposta dirixida ao benestar físico e emocional da súa veciñanza: os obradoiros de ioga para coidadoras e persoas con enfermidades crónicas. A iniciativa desenvolverase na Casa do Director, con clases programadas dous mércores ao mes, sempre ás 19:00 horas, e dará comezo o vindeiro 15 de outubro.
Desde o Departamento de Servizos Sociais explican que esta actividade nace co obxectivo de ofrecer un espazo de calma, coidado persoal e encontro para quen afronta o día a día de forma especialmente esixente, xa sexa por tarefas de coidado ou por problemas de saúde de longa duración.
A participación é totalmente gratuíta, e as persoas interesadas poden anotarse chamando ao número 691 235 185 ou de maneira presencial nos Servizos Sociais municipais.