O Concello de Viveiro e a Policía Nacional organizan unha charla sobre estafas en Internet

AMariñaXa
O Concello de Viveiro e a Comisaría da Policía Nacional organizan unha charla sobre as principais estafas en Internet e nas redes sociais.
estafa internet ordenador tecnoloxia
estafa internet ordenador tecnoloxia
9 Dec 2022

O Concello de Viveiro e a Comisaría da Policía Nacional de Viveiro organizan o próximo luns 12 de decembro, ás 20.30 horas, unha charla informativa sobre as principais estafas en Internet e nas redes sociais.

 A Sala Multiusos da Casa do Concello acolle este encontro que ten como obxectivo explicar, entre outros aspectos, como actúan os ciberdelicuentes a través das webs así como dar consellos para poder evitar os timos ou enganos.

"Desgrazadamente, estas prácticas van a máis, polo que queremos informar aos nosos veciños e veciñas de como previr este tipo de situacións, agradecendo a colaboración da Policía Nacional", explica a alcaldesa, María Loureiro.

A charla, impartida por axentes da Comisaría de Viveiro, é totalmente gratuíta e está aberta a todos os veciños e veciñas ata completar aforo, aínda que está especialmente recomendada para as persoas maiores, as máis vulnerables neste tipo de situacións. 

charlas estafas internet viveiro
0.19089698791504