O Concello de Viveiro acollerá o 9 de agosto a VII Carreira Popular de Viveiro #TODOSCONADRY
![CARREIRA VIVEIRO adrian ben 2023](https://amarinaxa.com/wp-content/uploads/2023/08/CARREIRA-VIVEIRO-adrian-ben-2023.jpg)
O Concello de Viveiro acollerá o próximo mércores, 9 de agosto, a VII Carreira Popular de Viveiro #TODOSCONADRY, que servirá tamén de homenaxe a Adrián Ben.
No acto de presentación da carreira participaron o propio Adrián Ben; a alcaldesa, María Loureiro, e o concelleiro de Deportes, Eleazar José Rodríguez Abuín.
O día 9, desde ás 20:00 horas na praza Maior, celebraranse as carreiras nas categorías Pitufos (2016 e posteriores); Sub10 (2014-2015); Sub12 (2012-2013); Sub16 (2008-2009); Sub14 (2010-2011), e Absoluta (2007 e anteriores).
Loureiro e Rodríguez Abuín destacaron o carácter da proba, “para todas as idades e co obxectivo de facer deporte nun ambiente familiar”.
Adrián Ben, en plena preparación do Campionato do Mundo, agradeceu a organización da proba e a homenaxe.
Máis información en www.tourmariña.com e inscricións en ccnorte.com.