O Concello de Burela e a protectora Bigotes Burela convoca unha reunión sobre as colonias felinas

AMariñaXa
A xuntanza servirá para establecer unhas pautas de traballo conxunto entre as persoas alimentadoras, a protectora e Concello, de cara a conseguir mellores resultados
Colonias-felinas-burela
Colonias-felinas-burela
9 Xul 2024

O Concello de Burela, a través da Delegación de Medio Ambiente, e a protectora de animais Bigotes Burela convocan a todas as persoas que alimentan ás colonias felinas do municipio a unha reunión sobre esta cuestión o mércores, día 10 de xullo. A xuntanza servirá para establecer unhas pautas de traballo conxunto entre as persoas alimentadoras, a protectora e Concello, de cara a conseguir mellores resultados e un maior control sobre as colonias.

Terá lugar no salón de plenos do Concello ás 20.00, e nela abordaranse temas como a alimentación e refuxio dos gatos, estratexias de control e xestión das colonias e a realización dun censo real e actualizado dos animais. Tamén se tratarán as demandas das persoas alimentadoras das colonias ou a convivencia coa comunidade. e se porá todo en común de cara a planificar unha xestión colectiva. A alcaldesa de Burela e responsable da Área de Medio Ambiente, Carmela López, destaca “a importancia de coidar aos animais ao tempo que se mantén a vila en condicións óptimas de limpeza e estética para todos e todas”.

0.1920690536499