O Club Baloncesto Ría de Ribadeo organiza o I Trofeo Triangular Illa Pancha
![I trofeo Illa Pancha triangular 2023](https://amarinaxa.com/wp-content/uploads/2023/08/I-trofeo-Illa-Pancha-triangular-2023-1.jpg)
O Club Baloncesto Ría de Ribadeo en colaboración co Concello ribadense organizan o I Trofeo Triangular Illa Pancha.
Este torneo será os días 1, 2 e 3 de setembro no pavillón municipal de Ribadeo e no que se darán cita tres equipos da máxima categoría nacional da Liga Endesa: Perfumerías Avenida, de Salamanca; Araski, de Vitoria; e Ensino, de Lugo. Así como as categorías inferiores de cada club.
Así, o venres 1 ás 17.30 horas comezará co primeiro partido entre Araski e CB Navia infantil e o cadete feminino e ás 20.00 horas será o Araski e o Durán Maquinaria Ensino LF Endesa.
O sábado 2 ás 12.00 horas enfrontarase o Araski e o CB Burela infantil feminino, ás 17.30 horas será o Araski e o Durán Maquinaria Ensino infantil feminino e o Araski e o Durán Maquinaria Ensino cadete feminino. Pola noite ás 20.00 horas será a quenda do Perfumerías Avenida e o Araski de LF Endesa.
Na xornada do domingo será a quenda do Durán Maquinaria Ensino e o CB Navia infantil e cadete femino ás 10.15, e ás 12.30 horas será o derradeiro partido do Durán Maquinaria Ensino e o Perfumería Avenida de LF Endese ás 12.30 horas.
![I trofeo Illa Pancha triangular 2023](https://amarinaxa.com/wp-content/uploads/thumbs/2023/08/I-trofeo-Illa-Pancha-triangular-2023-200x200.jpg)