O CD Egovarros de Viveiro organizará a tradicional carreira de San Silvestre
AMariñaXa
O club de atletismo CD Egovarros de Viveiro en colaboración co Concello organizan a tradicional carreira de San Silvestre da vila
![san silvestre 2019 viveiro 1](https://amarinaxa.com/wp-content/uploads/2021/12/san-silvestre-2019-viveiro-1.jpg)
15 Dec 2021
O club de atletismo CD Egovarros de Viveiro en colaboración co Concello organizan a tradicional carreira de San Silvestre da vila que será o 31 de decembro ás 16.00 horas.
Esta proba deportiva dará comezo coas carreiras de categorías de menores, para despois ás 17.00 comezar a carreira absoluta de 4 quilómetros.
A saída e a meta estará situada na praza Maior, e as inscricións poderán facerse ata o 29 no email egovarros@gmail.com ou no teléfono 982 59 81 60.
Os nenos participantes recibirán unha medalla conmemorativa da carreira e na absoluta haberá un sorteo de regalos ao remate.
Ademais recolleranse donativos en metálico e comida para os animais.
![san silvestre viveiro 2021](https://amarinaxa.com/wp-content/uploads/thumbs/2021/12/san-silvestre-viveiro-2021-200x282.jpg)