O Burela FS abre a inscrición para as categorías de base
AMariñaXa
O Pescados Rubén terá a inscrición aberta ata o luns día 15 en alevín, infantil e cadete, de Autonómica, e de Preferente Galicia Feminina.
10 Mar 2021
Xunto ao xuvenil, en División de Honra, agora tamén se poderán sumar á competición outras 4 categorías para as que o Pescados Rubén Burela FS terá a inscrición aberta ata o vindeiro luns, día 15 en alevín, infantil e cadete, en Liga Autonómica, ademais de Preferente Galicia Feminina.
Para formalizar a matrícula tan só deberán cubrir os datos a través da web da entidade laranxa.
Cada equipo terá un máximo de 15 licenzas. Míchel Couceiro será o adestrador de Preferente e alevín, Mario Pillado estará á fronte do infantil e Christian Fustes dirixirá o cadete.
O inicio ligueiro está previsto para o 27-28 de marzo.
Para informarse poden escribir ao correo escuelasdeportivas@burelafs.org ou chamar ao número de teléfono 670321857.