O BNG de Ribadeo critica "o oportunismo do actual equipo de Goberno respecto ao banco de préstamo de material ortoprotésico"

AMariñaXa
O BNG de Ribadeo vén de criticar as "mentiras, o oportunismo, as medias verdades e o pouco sentido da ética do actual equipo de Goberno respecto ao banco de préstamo de material ortoprotésico para as familias".
BNG Pablo Vizoso Ribadeo 2023
BNG Pablo Vizoso Ribadeo 2023
20 Nov 2023

O BNG de Ribadeo vén de criticar as "mentiras, o oportunismo, as medias verdades e o pouco sentido da ética do actual equipo de Goberno respecto ao banco de préstamo de material ortoprotésico para as familias".

Así, din que a concelleira de Saúde e Servizos Sociais no mandato 2011-2015, Teresa González Piñeiroa, foi "quen puxo en marcha o servizo de préstamo de material ortoprotésico".

"O seu enorme esforzo, a súa gran capacidade de traballo, e o seu saber dialogar con todos os sectores implicados, permitiulle desenvolver un servizo que era pioneiro na nosa contorna", din desde o BNG, "foi un servizo que se consolidou ao longo dos diferentes mandatos e que supuxo un grande alivio para as familias que se viron na obriga de facer fronte a unha situación tan complicada, material e emocionalmente, como poder atender con dignidade un ser querido que precisa de material ortoprotésico para facer máis levadía a vida tanto del mesmo como da súa familia".

"Agora resulta, segundo o actual equipo de Goberno, que foi Daniel Vega, quen logrou poñer en marcha este servizo de préstamo ortoprotésico", sinalan os nacionalistas, "unha vez máis, incapaces de dicir con seriedade e rigor que dito servizo segue en marcha, empéñanse en magnificar unha noticia negando a existencia de todo o traballo feito polo anterior goberno".

"Foi tamén Teresa González Piñeiroa quen puxo todo o seu empeño para sentar as bases da que sería a nosa residencia de persoas maiores da que tan orgullosos nos sentimos", engaden, "foi un traballo en equipo que tivo como alicerce fundamental para a súa posta en marcha, todo o estudo de viabilidade e necesidade de dito servizo".

https://galiciaxa.com/2023/11/amxa/zonas-amxa/ribadeo-amxa/239711/

0.19641184806824