Sociedade

A iniciativa está dirixida a todas as persoas interesadas no traballo da terra e na sostibilidade

O Concello de Vegadeo pon en marcha unha nova iniciativa baixo o nome de Club do Horto da Veiga, un espazo aberto á participación veciñal que busca compartir coñecementos, experiencias e promover o cultivo en hortos.

Trátase dunha proposta dirixida a todas as persoas interesadas no traballo da terra e nun estilo de vida máis sostible, co obxectivo de favorecer a aprendizaxe colectiva e o intercambio de boas prácticas no ámbito do horto.

A actividade terá lugar o último luns de cada mes, de abril a novembro, ás 18:00 horas, no Local de Asociacións de Vegadeo. As persoas interesadas en participar poden inscribirse a través do teléfono 609 711 481.