Mondoñedo acolle o Minicampus de Nadal 2025
O Mondoñedo F.C. anuncia o Minicampus de Nadal 2025, unha actividade deportiva dirixida a nenos e nenas de 6 a 16 anos, que se celebrará no campo de fútbol Viñas da Veiga durante os días 2, 3 e 4 de xaneiro. Para o día 2 e 3 de xaneiro haberá sesións de 10.30 horas a 13.30 horas e de 16.30 horas a 18.30 horas. O 4 de xaneiro terá lugar unha sesión única de 10.30 a 13.30 horas.
A actividade será gratuita para os xogadores e xogadoras das categorías inferiores do Mondoñedo F.C. Para o resto de inscritos, o custo será de 10 euros, que deberán aboarse no primeiro día da actividade.
O prazo para inscribirse estará aberto ata o 22 de decembro e as prazas cubriranse por rigorosa orde de inscrición. O Mondoñedo F.C. anima a todas as familias a participar desta actividade que combina deporte e diversión, nunha cita imprescindible para estas datas de Nadal.