Mondoñedo acolle o curso Sexualidade na adolescencia

Terá lugar o día 12 de novembro en horario de 16.00 horas a 21.00 horas

O día 12 de novembro en horario de 16.00 horas a 21.00 horas no Pazo San Tomé de Mondoñedo impartirase o curso de "Sexualidade na adolescencia", dirixido a pais/nais, coidadores/as...ou calquera persoa interesada.

Os contidos a impartir serán: Sexualidade; riscos en sexualidade; pornografía; infeccións de transmisión sexual; embarazos non desexados; anticoncepción; violencia de xénero; abuso sexual infantil; e falsos mitos relacionados coa sexualidade.

A inscrición ao curso pode realizarse nas oficinas de servizos sociais do Concello de Mondoñedo e no teléfono 982 524 003-extensión 8. As prazas son limitadas e o curso é de balde.