José Antonio Quelle, Pichi, é o novo adestrador do CD Alfoz
AMariñaXa
O Club Deportivo Alfoz comunica que Suso Martínez cesou como adestrador do equipo e agora contan con José Antonio Quelle Cuadrado Pichi
14 Xan 2022
O Club Deportivo Alfoz comunica que dende este pasado 11 martes Suso Martínez cesou como adestrador do equipo. "Queremos agradecerlle que aceptara a proposta da directiva para facerse cargo do equipo hai case 2 anos, sendo o principal culpable do retorno á primeira rexional e converténdose en figura clave neste rexurdimento", din dende a directiva.
O equipo pasará a estar dirixido polo xovense José Antonio Quelle Cuadrado, Pichi, despois de moito tempo volve poñerse á fronte do cadro de xogadores municipal.
"Aproveitamos para agradecerlle aos nosos patrocinadores e asociados o apoio prestado ao longo destas tempadas", engadiron.
Proximamente saberanse novidades sobre o acto do 40 aniversario do club.