Foz ofrecerá unha formación gratuíta en reanimación cardiopulmonar o 27 de outubro
AMariñaXa
A actividade, organizada por ACIA Foz-CCA no CENIMA, está aberta a toda a poboación e ensinará como actuar ante unha parada cardiorrespiratoria
22 Oct 2026
O CENIMA de Foz acollerá o martes 27 de outubro unha sesión formativa en reanimación cardiopulmonar básica (RCP) dirixida a toda a cidadanía.
A iniciativa, organizada por ACIA Foz-CCA, busca achegar coñecementos básicos para responder ante unha emerxencia na que unha persoa sufra unha parada cardiorrespiratoria.
Durante a actividade, as persoas asistentes aprenderán a identificar este tipo de situacións e a realizar as manobras básicas de reanimación. Estas técnicas permiten actuar nos primeiros momentos dunha emerxencia, cando unha resposta rápida pode resultar fundamental.
A formación desenvolverase ás 19:30 horas no CENIMA e está aberta á participación de toda a poboación.