Este venres será o Callo Fest de a San Cibrao

AMariñaXa
A nova edición do Callo Fest volverá encher de música a vila de San Cibrao o vindeiro venres 30 de decembro.
callo fest cervo 2022 1
callo fest cervo 2022 1
28 dic 2022

A nova edición do Callo Fest volverá encher de música a vila de San Cibrao o vindeiro venres 30 de decembro.

O festival, que terá lugar na praza dos Campos, está organizado pola Asociación Amigos Da Troula en colaboración co Concello de Cervo e Seiramar.

Os concertos comezarán as 19:00H na carpa instalada na Praza dos Campos de San Ciprián e rematarán ben entrada a noite co reparto de callos para todos os alí presentes.

O cartel deste ano esta formado polo grupo galego Broken Peach, que ofrece un toque persoal ás típicas versións de rock, funky, gospel e pop, fusionando música e espectáculos extravagantes e Mileth, unha banda que xorde na Mariña Lucense co obxetivo de combinar folk e pagan metal nacido das raíces máis fondas do folclore e do enxebrismo galegos.

Contarase tamén con Mi rollo es el rock, un clásico da comarca que versionará as mellores cancións de rock e heavy metal da historia, e dende portugal chega ao festival Hybrid Park, a xa coñecida banda que recorre os escenarios co seu tributo á mítica banda estadounidense Linkin Park.

Como todos os anos, o Callo Fest conta con un suadoiro oficial que poderá ser reservado no teléfono 691 656 600. A comida xogará tamén un importante papel grazas á colaboración da pizzería O Trasgo. Os presentes poderán cear na carpa unha pizza por 12€ ou unha porción por 4€ e, quen o desexe, poderá reservalas con antelación antes das 15:00H do día 29 de decembro nese mesmo número.

Tamén se dará –como xa é tradición- un ensaio das badaladas de fin de ano para darlle a benvida ao 2023. A festa rematará co reparto de racións de callos ao ritmo dos mellores temas grazas á disco móbil La duendeneta.

callo fest cervo 2022