Este sábado será a Carreira Popular Urbana de Foz
![carreira correr deporte](https://amarinaxa.com/wp-content/uploads/2022/06/carreira-correr-deporte.jpg)
O Concello de Foz acollerá o 9 de xullo a Carreira Popular Urbana 5km Campo da Cabana e que será puntuable para o circuíto TourMariña.
Esta proba deportiva terá lugar a partir das 20.00 horas sobre un circuíto de 200 m para Pícaros, 500 m Benxamíns, 1.000 m Alevíns,
1.800 m Infantís e Cadetes e 5.000 m para a competición Absoluta.
A competición transcorrerá por un circuíto urbano pechado á circulación de vehículos, cun perfil moi suave propicio para unha carreira rápida. Disputarase sobre un percorrido moi rápido de 5.000 metros, totalmente urbanos, polas rúas de Foz, con saída e meta na praza Rosalía de Castro. O tempo máximo para percorrer os 5.000 m será de 50 minutos. Todo aquel atleta que supere devandito tempo poderá finalizar a carreira baixo a súa responsabilidade.
O sistema de cronometraxe da proba será mediante chip, publicándose a clasificación oficial os días posteriores ao evento na páxina web Championchipnorte.com e a web runfozrun.com. Os atletas deberán entregar o chip en alugueiro ao finalizar a carreira.
A inscrición estará limitada a 300 corredores para a carreira absoluta, 100 corredores para a carreira Pícaros, 100 corredores para a carreira Benxamíns, 100 corredores para a carreira Alevín, 100 corredores para a carreira Infantil e Cadete.
En liña poderán realizarse ata o mércores 6 de xullo e o prezo da inscrición será en función do tramo seleccionado.
Haberá trofeos aos tres primeiros clasificados masculino e feminino de cada categoría.