En Trabada festexan un magosto tradicional con cea, música e castañas de balde

Será o próximo 15 de novembro na Praza do Concello

A Asociación Cultural O Picato e o Concello de Trabada celebran a tradicional festa deste tempo, o magosto. Será o próximo 15 de novembro, na Praza do Concello e contarán con carpa polas previsións meteorolóxicas.

Haberá servizo de barra, mesas e cadeiras para a gran cea dende ás 21.00 horas. Poderán degustar callos, pastelón de bonito e lacón asado. E non faltará a música que correrá a cargo de “El PUMA” nin as castañas asadas de balde.

Os tickets para a comida estarán á venda no Mesón Camiño Norte e no Spar Express Trabada.