Continúa aberto o prazo de inscrición para a VI Carreira Popular Burela Bonita
![VI Carreira Burela Bonita 1](https://amarinaxa.com/wp-content/uploads/2022/06/VI-Carreira-Burela-Bonita-1.jpg)
Continúa aberto o prazo de inscrición para a sexta edición da Carreira Popular Burela Bonita, que se celebrará o vindeiro 30 de xullo a partir das 19.00 horas con saída e meta na Praza da Mariña.
A competición realizarase sobre un circuíto urbano pechado á circulación de vehículos, tendo que percorrer 100 metros a categoría de Pícaros, 650 metros os Benxamíns, 1200 metros Alevíns, 1700 metros Infantís e Cadetes.
A competición absoluta será de 5000 metros, que os e as participantes deberán percorrer nun máximo de 50 minutos.
A inscrición, que deberá realizarse na web de championchipnorte , está limitada a 300 corredores para a carreira absoluta, 100 corredores para a categoría de Pícaros, 100 para Benxamíns, 100 para Alevín, e outros 100 para a carreira Infantil e Cadete. O prazo finaliza o mércores 27 de xullo ás 23.59 horas.