Concerto de Nadal da Escola de Música de Burela

AMariñaXa
Este mércores 21 de decembro a Escola de Música de Burela ofrecerá un tradicional concerto de Nadal. Será ás 20.00 horas na Casa de Cultura.
nadal arbores festa
nadal arbores festa
18 dic 2022

Este mércores 21 de decembro a Escola de Música de Burela ofrecerá un tradicional concerto de Nadal. Será ás 20.00 horas na Casa de Cultura.

A Escola Municipal de Música de Burela nace no ano 1997 por iniciativa municipal co fin de dotar a Burela, dunha actividade cultural ao redor da música da que carecía.

A filosofía desta escola consiste en poder socializar aos alumnos a través das diferentes agrupacións existentes, ao mesmo tempo que se forman na súa propia disciplina instrumental e tamén naquelas materias complementarias importantes para a formación musical que figuran no currículo académico do noso centro.

Nesta escola de música na actualidade imparten clase 12 mestres de distintas disciplinas instrumentais e temos preto de 120 alumnos.

A idade para comezar no  centro é dende os catro anos en diante, tendo tamén unha importante aula de formación para adultos e unha agrupación coral.

Entre as disciplinas instrumentais podemos contar con vento madeira, vento metal, corda fretada, piano, guitarra, percusión e canto.

Habitualmente todos os meses de xullo organizamos un taller dunha semana de duración para todos aqueles veciños e veciñas que queiran participar de xeito lúdico e gratuíto.

concerto nadal burela 2022