Como se escollen os deputados?

AMariñaXa
A provincia prepárase para celebrar de novo as eleccións municipais, uns comicios que nos ofrecerán unha renovación das alcaldías.
Foto elecciones municipales
Foto elecciones municipales
23 Abr 2023

Nos comicios de maio votarase polo Goberno local onde está censado e o voto repercutirá na composición do organismo provincial.

A provincia prepárase para celebrar de novo as eleccións municipais, uns comicios que nos ofrecerán unha renovación dos equipos de goberno á fronte das alcaldías. Pero, ademais, co seus votos, os lugueses tamén escollen a composición da Deputación Provincial, aínda que isto se fai de maneira indirecta, xa que o veciño non vota directamente a un deputado dun partido ou doutro pero si a cor política do voto implicará que o electo sexa dun partido ou doutro.

Actualmente, a provincia está dividida en sete partidos xudiciais ou xuntas electorais que aportan un número de deputados diferente, xa que a poboación é tamén moi distinta.

Así, o máis numeroso é o partido xudicial de Lugo, ou zona centro. O peso poboacional de Lugo lévao a capital e de aí saen 12 deputados, case a metade dos elixibles, que son 25. Ademais da capital súmanse neste grupo os votos dos concellos da contorna, parte da montaña e da comarca sarriá.

A seguinte xunta electoral por tamaño é a de Mondoñedo, onde están incluídos os concellos da Mariña. Elixe seis deputados.

Despois tres xuntas electorais contan con dous deputados cada unha. Son as de Monforte (concellos da Ribeira Sacra e o Courel), Chantada (que engloba a zona da Ulloa) e Vilalba (cos da Terra Chá).

Finalmente, queda un deputado no tinteiro, o que sae dos concellos da zona da Fonsagrada e Ancares e que moitas veces é o que marca a cor política que goberna na Deputación xa que a igualdade foi máxima nos últimos comicios no resto. O pacto entre PSOE e BNG levouse pola mínima diferenza o Goberno da Deputación no 2015 e no 2019 aínda que é o PP o que tivo o maior número de deputados nas dúas ocasións.

Unha vez constituídos todos os concellos, os escanos das deputacións provinciais repártense, por cada partido xudicial, segundo a fórmula D’Hondt, entre aqueles partidos que obtiveron algún concelleiro en cada partido xudicial e segundo o número de votos conseguidos por cada un deles. Os deputados provinciais que corresponden a cada partido político son elixidos, a nivel de partido xudicial, entre e polos concelleiros de cada un deles, que pertencen aos municipios que comprende cada zona.  Tradicionalmente os deputados están divididos a partes iguais en Chantada, Monforte e Vilalba. A representación nacionalista súmase desde os partidos xudiciais máis numerosos (Lugo e Mondoñedo).

Nas últimas eleccións, na de Lugo, 6 dos deputados foron do PP, 4 do PSOE e 2 do BNG. Na Mariña tamén tivo o PP 3, 2 o PSOE e 1 o BNG, polo tanto foi o voto socialista da Fonsagrada o que rompeu o empate.

REPARTO POR CONCELLOS

  • Chantada (2 deputados) Antas de Ulla, Carballedo, Chantada, Monterroso, Palas de Rei, Portomarín, e Taboada.
  • Fonsagrada (1 deputado) Baleira, A Fonsagrada, Navia de Suarna, Negueira de Muñiz e Ribeira de Piquín.
  • Lugo (12 deputados) Baralla, Becerreá, Castro de Rei, Castroverde, Cervantes, O Corgo, Friol, Guntín, O Incio, Láncara, Lugo, Meira, As Nogais, Outeiro de Rei, Paradela, O Páramo, Pol, Pedrafita, Rábade, Samos, Sarria e Triacastela,
  • Mondoñedo (6 deputados) Abadín, Alfoz, Barreiros, Burela, Cervo, Foz, Lourenzá, Mondoñedo, Ourol, A Pastoriza, A Pontenova, Ribadeo, Riotorto, Trabada, O Valadouro, O Vicedo, Viveiro e Xove
  • Monforte (2 deputados) A Pobra de Brollón, Bóveda, Folgoso do Courel, Monforte, O Saviñao, Pantón, Quiroga, Ribas de Sil e Sober.
  • Vilalba (2 deputados) Begonte, Cospeito, Guitiriz, Muras, Vilalba e Xermade.

Chantada

  • Pilar García Porto. PSOE
  • Pablo José Taboada Camoira. PP

Lugo

  • José Luis Raposo Magdalena. PSOE
  • Xosé María Arias Fernández. PSOE
  • Pablo Rivera Capón. PSOE
  • Ana González Abelleira. PSOE
  • Maite Ferreiro Tallón. BNG
  • Efrén Castro Caloto. BNG
  • Jesús Manuel Núñez Díaz. PP
  • Francisco Javier Balado Teijeiro. PP
  • José Pardo Lombao. PP
  • José Fernández Vázquez. PP
  • José Ángel Santos Sánchez. PP
  • Oscar Poy Franco. PP

DEPUTADOS ACTUAIS

Fonsagrada

  • Roberto Fernández Rico. PSOE

Mondoñedo

  • Mayra García Bermúdez. PSOE
  • María Loureiro García. PSOE
  • Mónica Freire Rancaño. BNG
  • Javier Jorge Castiñeira. PP
  • José Manuel Gómez Puente. PP
  • Jesús Novo Martínez. PP

Monforte

  • José Tomé Roca. PSOE
  • Lola Castro Ochoa. PP

Vilalba

  • Roberto García Pernas. PSOE
  • Xosé María Teixido Núñez. PP

A comarca ultima os candidatos

Na Pontenova o PSOE volverá a confiar no rexedor Darío Campos trala súa xestión nestes catro anos, e no PP, Concepción Novo, técnica de raios, será a alcaldable para estes comicios. Pola contra o BNG decidiu propoñer como cabeza de lista a Xorxe Gómez Rico, que rexenta un negocio de perruquería na vila.

No veciño concello de Alfoz, Jorge Val repetirá como candidato socialista; Xabier Pardiñas, encabezará a lista de Vía Alfoz, e Juanjo Fraga, enxeñeiro agrícola, a do PP.

En Barreiros, Ana Ermida, actual alcaldesa do BNG encabezará a candidatura, ao igual que Carmen Veiga polo PSOE. Haberá unha nova cara a do enfermeiro do Partido Popular, José Manuel Gómez Puente.

En Burela Manuel Rouco é de novo o candidato no que confían os populares para loitar polo bastón de mando fronte a Carmela López, que é a primeira muller candidata do Partido Socialista ás eleccións municipais; Mario Pillado do BNG e Alberto Eiroa, de Son Burela.

Xa en Cervo repetirá como alcaldable popular o actual rexedor, Alfonso Villares, fronte a Diego Fernández, do BNG, e a nova cara do PSOE na vila, María Luján Ramós.

En Foz, o tamén alcalde socialista Fran Cajoto, será o cabeza de lista, fronte ao popular e deputado provincial, Javier Castiñeira, e ao nacionalista Francisco Fanego.

En Lourenzá haberá unha cara nova, a de Roberto Díaz Expósito, e volverá repetir Rocío López, actual rexedora local polo PSOE, e a do BNG, Belén Fanego.

No relativo a Mondoñedo, Manuel Otero, que é o alcalde desde o 2020 trala renuncia de Elena Candia, será o candidato para as vindeiras eleccións. Nas filas socialistas Esperanza González repetirá como candidata xunto con Eloi Cabanas, do BNG.

No Valadouro, a candidatura socialista será a do actual alcalde, Edmundo Maseda. Nas filas do PP será José Manuel Lamela, e polo BNG será de novo a quenda de Eduardo Chao.

No Vicedo, o Partido Popular renova candidato, Jesús Novo, é nesta ocasión haberá unha cara nova para os socialistas, a avogada e ex concelleira, María Pérez.

No concello de Ourol os candidatos de fai catro ano volverán repetir. Así o popular, José Hermida, intentará acadar a Alcaldía de José Luis Pajón, do PSOE.

En Ribadeo, cuxo actual alcalde, Fernando Suárez Barcia, non se presentará, o candidato do BNG será Pablo Vizoso, que conta con experiencia como concelleiro de Economía, Desenvolvemento Local e Turismo. Na outra parte, os do PP volven confiar en Daniel Vega para intentar recuperar a Alcaldía, e os do PSOE presentan de novo a Marta Rey.

En Riotorto o candidato socialista será o empresario Víctor González, que loitará polo bastón de mando contra o actual alcalde popular Clemente Iglesias.

A dirección provincial do PP volverá confiar para o concello de Trabada, en José María Fernández. E repetirá candidatura a actual rexedora Mayra García Bermúdez.

En Viveiro a profesora Mariña Gueimunde, será a nova cabeza de lista do PP, mentres que no resto dos partidos repetirán candidatos como son María Loureiro polo PSOE e actual alcaldesa; Bernardo Fraga, de Por Viveiro; e Miriam Bermúdez do BNG.

Podemos tamén anunciou a súa lista lista para as eleccións municipais en Viveiro, que estará encabezada por Roberto Yáñez.

No concello de Xove, onde o Partido Popular goberna, Demetrio Salgueiro será de novo o candidato. Pola contra, o BNG estará representado na nova candidata Pilar Vázquez, e o PSOE por Rogelia Mariña Pernas.

A comarca conta con partidos independientes e nos que aínda non se coñecen os candidatos como son Udival, Foz Plataforma de Futuro, Son Viveiro, Burela Sempre.

provincia de lugo 2
grafico deputacion
Ana Ermida BNG Barreiros 7
Carmela Lopez PSOE Burela 2023 1
Alfonso Villares PP Cervo 2023  9
Fran Cajoto PSOE Foz 2
Esperanza González PSOE Mondonedo 2023  2
Daniel Vega PP Ribadeo 12
Demetrio Salgueiro PP Xove 2023  7
0.22534203529358