Comezaron as obras para a renovación do alumeado público en Atalaia, Celeiro
![renovar led alumeado atalaia celeiro 2023 2](https://amarinaxa.com/wp-content/uploads/2023/09/renovar-led-alumeado-atalaia-celeiro-2023-2.jpg)
Comezaron as obras para a renovación do alumeado público en Atalaia, Celeiro, que se cambiarán por novas luminarias de tecnoloxía LED.
A actuación contempla a renovación das farolas e das caixas de mando e o investimento será duns 100.000 euros, financiado integramente polo Fondo de Compensación Ambiental 2023.
“Coa nova rede, a zona terá unha mellor visibilidade e eficiencia enerxética, reducindo ademais a contaminación lumínica”, asegura a alcaldesa de Viveiro.
Miriam Bermúdez, tenente de alcaldesa e responsable de Obras, destaca pola súa parte que “esta actuación na rede de alumeado público servirá para mellorar a seguridade viaria dos vehículos e o tránsito de persoas”.
A renovación da rede en Atalaia inclúe o acceso desde Casanova; a rúa Illa Coelleira; a rúa Illa Sar e o parque público; a ría Illa Anchonoa; a rúa Illa Gaveira; e a praza da Atalaia.
“Impulsaremos durante todo o mandato municipal un plan de mellora continua dos servizos e infraestruturas públicas, tanto no casco urbano como nas parroquias”, engade María Loureiro, alcaldesa.
![renovar led alumeado atalaia celeiro 2023 3](https://amarinaxa.com/wp-content/uploads/thumbs/2023/09/renovar-led-alumeado-atalaia-celeiro-2023-3-200x234.jpg)