Cervo camiña contra o cancro cunha andaina solidaria e un xardín rosa
Cervo celebrou unha andaina solidaria para dar visibilidade á loita contra o cancro e mostrar o apoio ás persoas que conviven coa enfermidade. A iniciativa reuniu participantes nunha xornada marcada pola solidariedade e a esperanza, que concluíu coa creación dun pequeno xardín de plantas de tempada de cor rosa na contorna do parque Reina Sofía.
A actividade rematou cunha plantación simbólica para representar a loita contra o cancro e a esperanza. Desde o Concello agradeceron a participación e implicación das persoas que se sumaron á andaina, destacando a importancia de iniciativas que contribúen a visibilizar esta causa.
O Concello tamén quixo recoñecer o traballo da Asociación de Mulleres de San Ciprián, que decorou a cafetaría da Casa do Mar en tons rosas. O espazo acolleu unha merenda compartida ao remate do percorrido, nun ambiente preparado especialmente para a ocasión.