Cultura

As representacións celebraranse todos os sábados do mes, ás 20.00 horas, no salón de actos da Casa da Cultura, con entrada de balde e a participación de compañías de As Pontes, Palas de Rei, Foz e Fazouro

O Concello de Alfoz volverá converter novembro no mes do teatro cunha programación que inclúe catro representacións teatrais dirixidas a todos os públicos. As funcións terán lugar todos os sábados do mes, ás 20.00 horas, no salón de actos da Casa da Cultura, e a entrada será gratuíta.

A programación comezará o 7 de novembro coa obra Paixón de Bulevares, a cargo de Quemais­tén Teatro, de As Pontes. A seguinte cita será o 14 de novembro, cando Metrátase Teatro, de Palas de Rei, representará Terra, voz e… acción!.

O 21 de novembro será a quenda de A Adala, de Fazouro, coa obra Ai! Señor, señor. O ciclo pecharase o 28 de novembro coa actuación de O Centiño, de Foz, que levará ao escenario a peza O autobús.

As catro funcións forman parte do Circuíto de Teatro Afeccionado 2026 e están centradas na comedia, cunha proposta para compartir risas, historias e momentos de lecer arredor das artes escénicas.