Alfoz abre o prazo para as Escolas Deportivas Municipais do novo curso
O Concello de Alfoz vén de anunciar a apertura do prazo de inscrición para participar nas Escolas Deportivas Municipais do vindeiro curso. A proposta está destinada a nenos e nenas de entre 4 e 17 anos, co obxectivo de fomentar a práctica deportiva e consolidar rutinas saudables entre a mocidade da localidade.
As disciplinas que se ofertan nesta edición inclúen fútbol, patinaxe, atletismo e pádel, modalidades que cada ano contan cunha alta acollida e que permiten a rapaces e rapazas desenvolverse tanto a nivel físico como social.
O período oficial de inscrición estará aberto do 18 ao 25 de agosto, aínda que desde o Concello lembran que tamén será posible anotarse ao longo de todo o curso escolar, facilitando así a participación de quen non poida facelo nas datas iniciais.
As persoas interesadas poden descargar a folla de inscrición a través da páxina web municipal e entregala na Oficina de Rexistro ou a través da Sede Electrónica. Desde o consistorio animan ás familias a aproveitar esta oportunidade para que os máis novos se integren nun espazo de aprendizaxe, convivencia e diversión.