Cultura

A mostra inaugurarase o 19 de outubro ás 12:00 horas e busca destacar a importancia do medio mariño e a súa relación coa contorna

A Oficina de Turismo de Ribadeo acollerá desde o 19 de outubro ata o 15 de novembro a exposición "Conecta co mar. O mar é vida", unha proposta que invita a reflexionar sobre a relevancia do medio mariño e a súa conexión coa contorna.

A inauguración terá lugar o propio 19 de outubro ás 12:00 horas nas instalacións da Oficina de Turismo. A mostra permanecerá aberta ao público ata mediados de novembro, ofrecendo a oportunidade de achegarse ao valor do mar e á súa importancia.

A iniciativa conta coa participación da Consellería do Mar da Xunta de Galicia e co financiamento da Unión Europea.