A Festa dos Chóferes de Alfoz xa ten programa festivo para este ano
Alfoz volverá celebrar unha das principais citas do seu verán, a Festa dos Chóferes, á que adoitan acudir centos de vehículos de todo tipo para recibir as bendicións dos párrocos.
Esta cita festiva terá lugar os vindeiros 28, 29 e 30 de xullo, e comezará na noite do 28 ás 23.00 horas coa festa verbena de discoteca móbil de Eventec e Grupo Beatriz.
O sábado 29 haberá oficio relixioso ás 13.00 horas seguido da sesión vermú amenizada polo grupo Costa Dorada, que será o encargado de poñer a nota musical pola noite xunta coa orquestra Fania Blanco Show.
A xornada do domingo 30 comezará ás 11.00 horas a procesión dos vehículos polas parroquias do Concello, e ás 13.00 horas a misa solemne e a bendición dos vehículos no que haberá premios para os mellores de cada categoría. Despois haberá sesión vermú amenizada polo grupo Montreal.
Dende a organización informan de que dispoñen de capa con mesas e toma de corrente eléctrica para as que haberá que reservar chamando ao teléfono 648 815 979 e zona de acampada chamando ao 685 887 719.
